الفرق بين iOS Beta والنسخه الرسميه :
- دي نسخه للمطورين مش النسخه الرسميه.
- يعني ايه نسخه مطوريين او النسخه التجريبيه ( beta version ): يعني نسخه نازله للناس اللي هطور لحضرتك ال Apps عشان لما يجي شهر ٩ وتنزل iOS 15 الرسميه متلاقيش في مشاكل.
- نسخه devloper beta, دي اول نسخه بتنزل وبتبقي نسخه غير مكتمله تماما للمستخدم العادي، وممكن يكون فيه بعض المشاكل جوه ال Apps, عشان كل مطور يظبط نفسه.
- يعني هتفتح مثلا facebook هتلاقيه مش شغال اصلا او في مشاكل كبيره ز
- لو عايز تجربها، جربها لو عندك جهاز تاني غير جهازك الاساسي، زي المطوريين كدا.
- عايز تجربها علي جهازك، دي مسئوليتك ومحدش هيفيدك تماما، لان في الاغلب محدش هينزلها غيرك انت وكام واخد عشان تتفرحوا عليها. ولازم تبقي عامل backup كامل او نسخه احتياطيه على iTunes او على اي برنامج تاني زي 3utools عشان حاجتك ترجع .
- عشان النسخه التجريبيه تتمسح من الجهاز وتنزل مكانها النسخه الرسميه ممكن تمسحلك كل حاجه موجوده.
- نسخه beta للمستخدم العادي، ممكن تنزل في حدود
شهر او اقل او اكتر، زي ما حصل في iOS 13 و iOS 14
وممكن ساعتها تجربها، وبرضو علي مسئوليتك
-نقول تاني، النسخه دي مش ليا ولا ليك كا مستخدم عادي دي نسخه للمطورين فقط، يعني في الاغلب لو نزلتها ممكن تلاقي مجموعه apps كتيره في الجهاز عندك مش شغاله، لان لسه متعملهاش تحديث عشان تمشي مع النسخه اللي انت منزلها دي.
- ولو حصلك مشكله محدش هيقدر يساعدك
