ماذا تفعل عند سرقة أو ضياع ايفونك!
خدمه قامت أبل بتوفيرها لاجهزة الايفون و الايباد و الماك و الايبود ( خدمه العثور علي الايفون ) find my iPhone واللي عن طريقها تقدر تسترجع الايفون لو اتسرق او ضاع.
اول حاجه لازم تفعل خدمه find my iPhone على حساب الايكلاود.
settings- iCloud- find my iPhone : on
التطبيق ده موجود مع الجهاز، ولو مش موجود بتنزله من AppStore
تاني حاجه هتفتح التطبيق هيطلب منك Apple ID و الباسورد هتدخلهم و تضغط enter.
هتظهرلك واجهه موجود فيه المكان اللي انت فيه …. وهيظهرلك مكان الايفون ع الخريطه
لو دوست ع ايقونه الايفون هيظهرلك actions وتحتها ثلاث ردود افعال
-
اول واحده من ع الشمال play sound >> او انت قاعد في البيت و التليفون مش لاقيه بتضغط عليها من أيفون تاني او الايكلاود و الايفون يقوم بإصدار صوت تنبيه علشان تعرف مكانه
-
تاني واحده ف المنتصف lost mode >> ده مهمه علشان لو ايفونك فيهوش باسورد ممكن تقفله بباسورد و بعدين إرسال رساله للي معاه التليفون ….. ازاي ؟؟
=لما بتدوس ع ال lost mode بيطلب منك انك تفعلها turn on lost mode …
لما بتدوس عليها بيطلب منك تكتب رقم تليفونك علشان اللي يلاقي التليفون يتصل عليك ( و ده طبعا مش بيحصل ) و بعد كتابه رقم الفون بتدوس next و بعد كده بتظهر شاشه بتكتب فيها رساله للي سرق او لقي الفون و بعدها done و ع الفور بتظهر الرساله ع شاشه الايفون لمن وجد الايفون او الحرامي
اخر خيار و ده الأهم erase iPhone >> ده بيخليك تُمسح كل محتويات تليفونك بالكامل من صور و فيديوهات مكالمات اسماء … عند الضغط عليها بيقوم بمسح كافه البيانات
ملحوظه
– الخدمه بتحتاج الى إنترنت علشان تشتغل
– لو الايفون مش ظاهر على الخريطه قم بمسح الايفون و لو الحرامي قدر يفتح الفون و وصله بالنت تأكد انه يتم حذف كافه البيانات مباشره
ده كان شرح لخدمه find my iPhone اللي موجوده ع الجهاز
في حالة السرقة أو ضياع الايفون قم بعمل الآتي:
بتدخل ع موقع الايكلاود باستخدام كمبيوتر
www.icloud.com
وهتدخل ال Apple ID و الباسورد ….هتظهر صفحه فيها خدمات أبل هتدوس ع find my iPhone
هتظهرلك الخدمه هيطلب منك تاني تدخل الباسورد تعمل sign in
هيظهرلك الخريطه و عليها الايفون بتاعك … لما تفتح الخريطه هتلاقي سهم اعلي الخريطه هتضغط عليه هتلاقي اسم الايفون الخاص بيك هتضغط عليه هيظهرلك الخيارات دي
Play sound – lost mode – erase iPhone
والتلاته خيارات دووول تم شرحهم فوق
فيه حاجه اخيرة مهمه
لو ايفونك ظهر ع الخريطه و كان لونه اخضر فهو اونلاين و موجود ع الشبكه قم بتبلغ الشرطه او بتجيبه من الحرامي ف المكان اللي فيه
لو كان رصاصي او اسود يبقي أوف لاين و لازم تعمل erase للايفون و كل بيانات الجهاز هتتمسح لما الجهاز يتصل بالإنترنت
و لو ناسي باسورد الايكلاود تقدر تغيره بسهوله عن طريق تطبيق Find my iPhone.
ليست هناك تعليقات:
إرسال تعليق